من سنة تقريبا او اكتر شوية كنت بادير حملة إعلانية على محرك البحث جوجل لعميل طبيب أسنان وطلب أن الحالات اللي تيجي له من الحملة تكون من الرحاب ومدينتي الحملة اشتغلت وكان بيظهر اول إعلان على جوجل فوق منافسين كتير له وبعد اسبوع بتابع معاه وباسأله ايه اخبار الاتصالات ؟ قالي بيجي لي اتصالات كويسة من الرحاب ومدينتي بس لاحظت أن كل اللي بيتصلو "بيتنكو" علي فسألته هو حضرتك اللي بترد بنفسك على التليفون ؟ قالي اه قلت له طب بتحس منهم تناكة قبل ما يعرفو انك انت الدكتور واللا بعد ما يعرفو انك انت الدكتور بتبتدي تظهر منهم اعراض التناكة على حضرتك ؟ قالي بعد ما يعرفو أنه أنا الدكتور قلت له ده طبيعي يا دكتور لانك بردك بنفسك على التليفون بتبوظ شغلنا رسالتنا في الإعلان انك دكتور عظيم متميز شاطر ومفيش دكتور عظيم متميز شاطر بيرد بنفسه على الحالات لأنه مشغول ودي شغلانة مفروض يعملها المساعد أو المساعدة بتاعة حضرتك #جوحل #إعلانات_جوجل
لا توجد تعليقات حتى الآن!
كن أول من يعلق على هذا المنشور