كيف تصبح غنيًا ب 20 جنيه؟ ♥البوست طويل سيكا بس ممكن يغير حياتك المالية 180°هحكيلكم الاول حكايه..فاكرين واحنا صغيرين لما كنا ناخذ المصروف كان بيحصل ايه؟ - كانت السعاده بتغمرنا ونجري بسرعه نصرفه ونجيب ماريو او ايس كريم كوره او كراتيه قلبظ اللي بيكسب ختّامه.للاسف الشديد كبرنا واحنا لسه فينا العادة دي مع اختلاف الكاراتيه والايس كريم المتطلبات اكبر بكثير 😅في علم النفس في نظريه اسمها (الارتباط الشرطي) اسسها بافلوف ومثّل ليها بمثال الكلب لما يسمع صوت الجرس لعابه بيسيل عشان عارف انه هياكل. احنا كمان ارتبط عندنا الحصول على المال = بالشراء الفوري وفرتكة الفلوس من أجل الحصول على احساس السعاده اللي كنا بنحس بيه واحنا صغيرين فنشتري حاجات كثير اول ما نمسك فلوس ولكن المفاجاه اننا مش بنحس بالسعاده الكافيه. فنشتري اكثر ونفضل في دايرة الافلاس واحيانا الديون كل شهر.🤏بعد ما خلصنا الحكايه عندي لك خبرين..واحد حلو والثاني وحش. -الخبر الوحش انك لو فضلت بالمتلازمه دي هتعيش وتموت فقير!(عذرا في اللفظ ولكن دي الحقيقه) -اما الخبر الحلو انك ممكن تكون غني بطريقه ذكيه جدا جدا♥ايه هي الطريقه دي؟ -الطريقه ببساطه ايها الشخص الذي يطمح للثراء...انك تغير احساسك بالسعاده لما تحوش مش لما تصرف👈👉 طب وتعمل كده ازاي؟- ببساطة جدا المره الجايه لما تاخذ مرتبك او تاخذ مصروفك اول حاجه تعملها انك تدخر 10℅.بالمناسبه "افضل نسبه للادخار كانت 10% ولكنها تغيرت السنه دي نظرا للظروف الاقتصاديه الصعبه وعلماء الاقتصاد بينصحوا حالياً بنسبه ادخار 15%".= ثواني بس انت عايزني ادّخر 15% ده صعب اوي! - ما تقلقش عندي الحل اللي هيفيدك الحل هو انك تبدا بالادخار بنسبة 1℅ بس. يعني على سبيل المثال لو دخلك 2000 جنيه. هتدخر 20 جنيه بس والشهر اللي بعده زود النسبة وخليها 2℅ يعني 40 جنيه. وهكذا كل شهر تتدخر 1℅ زياده بشرط ان الادخار يكون اولا، يعني قبل ما تصرف. وعلى شهر 11 السنه الجايه هتوصل لنسبه ادخار 12% باذن الله. وقتها دخلك اصلا مش هيكون 2,000 ده هيكون اضعاف اضعاف باذن الله. وهو ده السر الاخير اللي اتعلمته وهقوله في البوست مكافأه لك عشان قراءة كل ده. 🤍السر هو ان العقليه الاستثماريه تجذب اليها المزيد من المال، والعقليه الاستهلاكيه تجذب اليها المزيد من الديون والخسائر. يعني الهدف من الادخار اصلا مش القيمه اللي هتتدخرها اللي هي 20 جنيه.لأ، الهدف هو انك تكوّن عقليه استثماريه وتجذب المزيد من المال وتصبح غني باذن الله. وكل ما دخلك يزيد افضل ادخر 12% ولما تكوّن مبلغ كويس استثمره. هي دي معادلة الثراء ببساطة♥ والسلامُ خِتام...