اعلنت شركه مرسيدس بنز عن بيعها سياره مرسيدس بنز SLR COUPE موديل 1955 بسعر 142 مليون دولار في مزاد علني لمشتري رفض الافصاح عن هويته, و حسب شركه مرسيدس فا العربيه دي كده بقت اغلي عربيه تم بيعها في تاريخ العربيات. و علشان اقربلك الرقم بالمصري فا العربيه دي اتباعت بتمن 7 الاف عربيه تويوتا الجمل تحف و انتيكات كان ممكن يغرقوا السوق المصري و بتمن 12 الف عربيه نيسان صني زيرو الفئه الاولي يعني 12 الف عربيه بتتقلب زياده علي المحور. الجميل في الموضوع ان شركه التامين بلغت محامي رجل الاعمال الي اشتري العربيه دي انها هتأمن علي العربيه بشرط واحد بس ان العربيه تتعامل معامله المجوهرات و التحف و تتحط في متحف بحراسه شديده و انه ميستخدمهاش و ميمشيش بيها في الشارع ابدا. لان بمنتهي البساطه لو جيه واحد خدشله العربيه شركه التامين ممكن تفلس فيها بسبب تمنها, الاحلي بقي كان رد صاحب العربيه الي رفض التامين عليها و قال انه هينزل بيها في الشارع لان من حق الناس كلها انها تشوف اجمل عربيه مرسيدس انتجتها من وجهه نظره و ان الجوهره دي مش المفروض تتركن. المهم بقي قولولنا ايه اغلي عربيه اشتريتوها ؟ و اشتريتوها بكام ؟