** لو حبيبك عسل إلحسه كله عادي جدا و اشبع منه، محدش ضامن عمره..🙂** والضحك من غير سبب مش قلة أدب خالص دا بقا عادي، 😑بالعكس النكد من غير سبب هو اللي قلة أدب وفسالة..🥴** والقطط مش بتحب خناقها، طيب واحد بيخنقها تحبه بأمارة إيه ؟!🤔** واللي أختشوا ماتو ، و الي عايشين في وسطنا دول وبمنتهي البجاحة اللي ما اختشوش ؟.🙂** واللي عقله في راسه، لا عرف خلاصه ولا أتهبب بالعكس ده لما شغل عقله نيلها أكتر..😆** و أه.. هو فات الكتير، بس لسه باقي الكتير بردو..🥲**وصوباعك اللي بيوجعك ما تقطعهوش، أصلها مش غباوة يعني..🙂** ولما تتلسع من الشوربة أنفخ بردو في الشوربة، الزبادي مالوش دعوة خالص ماهو أنت ما تبقاش ملسوع وعبيط كمان..😁🥴** والضوفر بيطلع من اللحم عادي جدا حتى اسألوا أمن الدولة .. 🥹** واللي طلب العلا لا سهر الليالي ولا حاجة .. ولو مش مصدقني أسألوا حمو بيكا ومجدي شطة...👌🏼😒** واللي رقصوا علي السلم، اللي فوق بيشوفوهم واللي تحت بيسمعوهم ، علشان إحنا ناس حشرية بطبعها وما بنسيب حد في حاله ..🙄😮💨
