صباح الخير..جماعة اللي بيعملو كلشي بدهم وبيحكو عفويه ،مع احترامي بس فاهمين الموضوع غلط انتو ، مش العفويه اجرح حد واحكيلو ما تتضايق بس بعرفش اكذب او اخبي ،مش العفويه ان تقولو شو بيخطر عبالكم بدون ما تحسبو حساب لخاطر يلي قبالكم او نفسيته او حتى شخصيته ، ولو عفويه عنجد بيبين على الإنسان، ومع هيك انا ضد مفهوم العفويه لان مجرد ما الإنسان صار بالغ عاقل لازم يعرف كيف يحكي وشو يحكي ومتى يحكي غير هيك بيكون لسا اسمه جاهل وما بيتقدم للناس ولا لحالو كمان ، وغير هيك هالأيام اي كلمه بتطلع لازم ينحسبلها مش ١٠٠ لا لازمها مليون حساب عشان كلشي بيحكيه الإنسان او بيعمله بيرجعله ، والرسول- عليه الصلاة والسلام- قال بمضمون لحديث .... فليقل خيرا او ليصمت ، بس الحمدلله صار الحكي والقيل والقال تنافس عند الناس اللي الله يبعدنا عنهم ، وبيحكو بيحكو وبالأخير قال شو والله عفويه طلعت ، لا يمكن اني اصدق انها عفويه لان العمر هو اللي بيحدد هالإشي بنظري وكمان مره مع احترامي للكل بس تركو هالعاده السيئه لأن الإنسان قدرة وقيمته قدام الناس بينقاس بمقدار صمته وحسن استماعه ..واصلا واصلا لما الإنسان يسمع اكثر ما يحكي مستحيل يوقع بمصيبة او مشكله او ما ندر ، بس شو الواحد بدو يحكي هي نصيحه وبيسكت والله يهدي الجميع..🙏🌸