غض البصر لما فكرت ليه أُمرنا بعض البصر في الكتاب والسنه عرفت أن ده مش مجرد أمر وعلينا السمع والطاعة وبس ولكن ده لمصلحتنا جدا جدا لان البنت اللي بتبص دايما علي الشاب الحليوه ابو دقن مش هتوافق علي العادي صاحب المواصفات الممتاز لأنها عايزه من التاني اللي زغلل عينيها والراجل اللي عجبته عربية جارة مش هيقتنع باللي عنده لانه أطلق بصرة عند غيره وفي كلا الحالتين إطلاق البصر والبَص علي أي حاجه تخص غيرك هتؤدي إلي تعبك والقضاء علي راحتك ودايما هتتمني لو الحاجه دي تجيلك ولكن خلي عندك نظرة مختلفة وامشي في طريق الدنيا وانت مركز مع نفسك بُص قدامك وبلاش عينك تيجي هنا وهنا لانك في الاخر هتتكفي علي وشك ولما يجيلك نصيبك هتقارن وتقول .. لأ مش ده اللي عيني جات عليه انا عايز من التاني اللي عيني جات عليه اللي هو اصلا مش نصيبك الخلاصة / اتحكم في نظرك وبطل تبص وتقارن علي حاجه مش بتعتك يا انسان الإنسانة / شيماء خالد .