ايه الفرق بين محلات البدل إلي في وسط البلد وكونكريت غير السعر.الفرق في بناء براند فيه سيستم قوي وبيخلق مجتمع مفعم بالتواصل والاحساس بالانتماء وبيشعر العميل انه مهم.طبعا كونكريت عنده مزايا تانية عشان بيستهدف فئة محدده (niche market) وبيشعرهم بالتميز والفرادة.القصة مش مجرد ان ابيع للعميل النهارده واجري، القصة هل انا وفرتله إلي بيحتاجه وبيهتم بيه وهل هيكون عنده ولاء ليا وهيروح يحكي لصحابه عني ويبقي وجهتي الإعلانية للناس ويكرر الشراء مني دائما.ممكن مقارنة كونكريت بمحلات وسط البلد تكون ظالمة، لكن حتى لو قارنت اى شركة بدل - رخيصة أو غالية - عندها الحد الأدنى من فهم التسويق هتكون أفضل من محلات موقفه شباب تشدهم من هدومهم عشان تبيع لهم بدلة كاملة ب٢٠٠ جنيه يا أوستاذ.ده الفرق بين استراتيجيات البيع القديمة بالضغط والاغلاق علي إي حال، بيعه واحده مش هتتكرر - زي إلي بيبيع في القطر ويجري - وبين الي بيطور كيان يحسس العميل انه بيته وفي وسط عيلته إلي مهتمه تلبي طلباته وتخليه راضي. #محتوى_مصري #محتوى_المجتمعات #محتوانا_غير