او اي نوع من انواع الضغط او المشاعر الغير مريحه بتخليني اتعرض لـ"نوبة هلع "، في المقابل محدش كان بيبقي فاهم دا ! لانها بدات عندي في سن مراهقه اتقال "دي بتلفت الانتباه"او "دي بتدلع" او "بتمثل".اتحطيت في اكتر مواقف محرجه ممكن يتحط فيها انسان ، ممكن ابقي قاعده مع الناس عادي مبسوطين وفرحانين وفجاه تيجي و فوق المي وفقداني السيطره علي نفسي ببقي حاسه بالم تاني اني تعبانه قدام الناس و بتخيل كدا كل حد فيهم بيحكم عليا ازاي دلوقتي , وخصوصاً لو ناس جديده في حياتي وبيبقي نفسي ميشوفوش الجانب دا!جت عليا

فترات كنت ببقي كويسه و الدوا بيتشال من الشنطه و بحس انه خلاص الكابوس دا خلص بس بترجع تاني .العلاج ؟ مفيش فعلياً , غير اني اعالج الاعراض نفسها زي اني اخد دواء لضربات القلب و بخاخ او جلسة اكسوجين او اي حاجه توقف ضيق التنفس. اوقات كنت بقع بس مش بيغمي عليا و كنت ببقي حاسه بكل حاجه . من دبابيس تحت الضوافر ل بصل في مناخير لـ حد بيقرر يفعس في دماغي لحد ما افوق !!الصوريتن دول بيبعبروا اوي عن اللي بنحسه، مش قادرين نتنفس ومحبوسين جوا دوامه مش عارفين نطلع منها.انا بقالي سنين بحاول احارب وابقي اقو

وابقي اقوي , اوقات بغلبه واوقات بيغلبني ! بس متاكده اني هبقي كويسه تماماً يوماً ما , وهيجي يوم اشيل الدوا من الشنطه ومرجعوش تاني .شكراً لصناع المسلسل انهم عرضوا الموضوع دا و خلوا عندي شجاعه احكي عنه .لما تلاقوا حد قريب منكوا بيحصله حاجه من الاعراض دي , خدوا لمكان مفتوح في هوا و خليكوا جنبه لحد ما يرجع تاني لطبيعته لو بياخد دوا هاتوا و متحاولوش تتغطوا عليه انه يبقي كويس ويفوق , هوا اكتر حد عايز يبقي كويس ويفوق ..