كلنا عندنا احساس بالنقص طبيعى جدا لان مفيش حد فى الدنيا كامل بس فيه واحد احساسه بالنقص بيدفعه الى التطوير و التنمية و اكتساب المهارات الحياتية المختلفة و فيه واحد احساسه بالنقص بيعمل له عقدة نفسية و العقدة ممكن تصيبة باضطرابات و مشكلات نفسية كلنا برده عندنا رغبة فى التفوق و التميز و الكمال بس فيه واحد الرغبة دى بتدفعه الى بناء مجد شخصى و انه يحوز كل أسباب القوة من مال أو شهرة أو نفوذ أو جمال أو …أو …..و دا ممكن يخليه يدوس على الآخرين و فيه واحد بتدفعه الرغبة دى لانه يبنى نفسه و يبنى المحيطين بيه كمان بحيث يصبح مفيد لنفسه و مفيد للمجتمع الى هو عايش فيه أيضاكلنا عندنا نقائص و دوافع و رغبات و احتياجات لكن رؤيتك انت و نظرتك ليها هى الى بتحدد سلوكك فى الحياة هل هو ايجابى و الا سلبى #دعاء_راجح