هااي كيفكن شو الأخبار 💜البوست 12 ب سلسة أخطاء شائعة 🍓متل مو بكل شلّة لازم ع طول يكون في واحد أطول من باقي رفقاته، وكمان بكل شلّة في واحد ع طول بيتأخر عن الموعد😁وأخيراً بعد مازبط المشوار يلي صرلكن شهر عم تتفقوا عليه، بيتصل فيك رفيقك بقلك "وينك نحن عم وصلنا وعم نستناكن" ف بتقله وأنت معصب "والله عم استنا أحمد صرلي ساعة ناطره وماكان يوصل" 🤯 بالانغلش بتقول " I am waiting for Ahamad. I have been waiting for an hour now"🤯✔️ Don't say: "I am waiting Ahamad. I have been waiting an hour now" ❌مثال2: عم تستنا الملاك تبعك لينزل من البيت والدنيا برد وصرلك ساعة ناطر (بس مع هيك مالك معصب وطبعاً أكيد إذا بتضلك عم تستناها طول النهار تحت المطر مابتقول لا😏) ف بس تشوفها بتقلها:"Darling, I have waited for a long time in the rain"ب هالبوست عنا قاعدتين1) وقت منستخدم الفعل wait يلي معناه ينتظر، ف لازم نستخدم بعده حرف الجر for Wait for a long time ..... ✔️Not : wait a long time❌القاعدة2وقت بدك تعبر عن انزعاجك من موقف ما، (متل بالمثال الأول إنت معصب من رفيقك يلي واقف من ساعة عم تستناه وما كان يوصل) ف منضيف للفعل ing Subject + have been+ v ingأما بالمثال التاني (وأنت واقف عم تستنا الملاك🤣) ما ضفنا للفعل ing لأنك قلت هالجملة وأنت مو معصب.. عم تقلها أنه استنيتك ساعة ومستعد استناكي العمر كله😍وبس هيك👋