مش عايز اعرف متخانقين ليه ، الا لو عايزين انتوا تحكوا ، ومنصحكوش انكم تحكوا خلو اسراركم ما بينكم ،بس السؤال بقا ، انتوا بقالكم قد ايه في النكد والخناق ده ؟ أسبوع أو عشر ايام!!! اسبوع 🤔🤔ضيعتوا أسبوع من عمركم متخانقين 🤔🤔ما انتوا مش عارفين قيمة العمر ، مش عارفين قيمة الوقت اللى بتضيعوه ده ،🤨عشان صغيرين ومعاكم منه كتيير ..عاملين زي واحدة معاها محفظة مليانه قاعدة تصرف فيها عشان مبتخلصش 💳اعرفوا قيمة العمر ، بلاش تضيعوا عمركم في النكد والخناق بلاش تضيعوا عمركم في العند كل واحد مستني التاني يجي يصالحه الأول ، يا هبل ده الشاطر هو اللى يروح يصالح التاني الأول ، والله انتوا لو بصيتوا للدنيا هتلاقوا ان مفيش حاجه تستاهل أبداً مثلاً يعني مثلاً اكبر خناقة هتتخانقوها واتحسوا ان الدنيا باظت الله في سماه الله في سماه لو حكتوها بعد تلت ايام هتحكوها وانتوا بتضحكوا بس مش معني كده انكم تبقوا باردين ومبتحسوش ، اغضبوا ازعلوا اعملوا اللى انتوا عايزينه هي دي الدنيا بس في لحظتها بلاش تحوشوابلاش الغضب يبات لتاني يوم بلاش الشمس تغرب وانتم متخانقين . #موضوع_عائلي العبقري ماجد الكدواني ♥️♥️