الجُدري المائيعدوى فيروسية بتنتقل عن طريق التلامس و رذاذ الفم و بيتميز بظهور فقاقيع مائية أولا في البطن و يليها الظهر و بعدين تنتشر في الجسم كله و لا يشترط إرتفاع درجة الحرارةو الطفل بيفضل معدي للمحيطين بيه من أول ظهور الفقاقيع المائية لغاية ما تِنشف و تبقى لونها بني و تقشر و بالتالي يفَضل إننا نِعزل الطفل في الفترة دي و يكون ليه أغراضه الخاصة للأكل و الشرب و النظافة لازم نقدم للطفل السوائل في صورة ماء أو حليب أو عصائر أو شوربة طول اليوم علشان نحافظ على جسمه رطب و كمان نقلل نوبات إرتفاع درجة الحرارة .الأدوية اللي بنستخدمها مع الجدري المائي هي مضادات الهيستامين زي الزيرتك أو الكلاريتين علشان نقلل الحكةو الكلاميل لوشن و بنحطه على مناطق الإصابة فقط و ممكن نعملها لِعبة للطفل إنه يبلل قطنة باللوشن و يلون الفقاقيع كنوع من أنواع الإلهاء وقت التعب اللوشن دا بيهدي الحكة والهرش و بيساعد في تنشيف الفقاقيع بسرعة و بيقلل الألم و ممكن كمان نستخدم كمادات شاي البابونج الفاترة لتهدئة الحكة. المُسكن و خافض الحرارة المسموح بيه هو الباراسيتامول و كل ما يشابهه في السوق و نخللي بالنا. ممنوع إستخدام الأسبرين تماماً للإننا ممكن نِعرض الطفل لحاجة إسمها ( Rye syndrome ) و دا عبارة عن فشل مفاجئ في وظائف الكبد. البروفين و الإيبوبروفين لا يفضل إستخدامهم كخافض حرارة أو مسكن في حالات الجُدري المائي لإنهم ممكن يسببوا مضاعفات شديدة بتظهر في صورة غرغرينة لأنسجة الجسم و دي بنسميها ( Necrotizing fasciitis ) ممكن نستخدم المضاد الفيروسي زوفيراكس و دا عبارة عن شراب بالفم علشان نقصر فترة المرض و دا طبعا بإشراف الطبيب .من علامات الخطر اللي تخللينا نتحرك فوراً لأقرب مستشفى إن الحرارة تزيد عن ٤٠ أو إننا نلاقي الطفل فاقد لإتزانة أو رافض تماماً الأكل و الشرب .. الجُدري المائي ممكن يستمر من ٥ الى ١٠ ايام و ينتهي تماما و في حالة ظهور فقاقيع جديدة بعد مرور ١٠ أيام دي بتكون علامة إن الطفل مناعته ضعيفة و محتاج متابعة طبيب