الاكتئاب..ناس كتير بتكون عندها اكتئاب وما تعرفش لأنها عاشت فترة طويلة فى نفس الجو والإحساس فألفت جو الحزن والاكتئاب.الاكتئاب ده ممكن يكون بسيط وممكن يكون يصل لحد الانتحار والحالتين محتاجين علاج.وعشان ما أطولش عليكم هاقولكم كذا نقطة تعرفوا بيهم الاكتئاب من لخبطة المزاج اللى أغلبنا بنمر بيه.- قلة النوم.- زيادة الإحساس بالذنب وتأنيب الضمير.- قلة الأكل.- قلة التركيز.- ما عندكش طاقة تعمل حاجة.- فقدان الشغف فى الحياة أو العمل وممكن يترتب عليه الغياب عن العمل.🔔 لخبطة أو تأخر فى التفكير أو الاستيعاب أو تنفيذ الأوامر.🔔 أفكار انتحارية.------لو عندك ٤ حاجات من الحاجات اللى ذكرتها دى لازم تتوجه لطبيب نفسى عشان يتأكد اللى عندك اكتئاب ولا لا وفوراً تبدأ العلاج.الطب النفسى من أهم التخصصات والعلاج فيه فعّال جداً.العلاج النفسى لازم يأخذ وقته ومش هايجيب نتيجة إلا بعد استخدام طويل والنتائج كلها بتكون ملموسة وهاتحس قد إيه كنت ظالم نفسك قبل ما تروح للدكتور.------🔔 الاكتئاب والأمراض النفسية هى اضطراب ولخبطة فى توازن بعض المواد الكيميائية فى المخ.. المسجد والكنيسة والقرآن والإنجيل والتوراه والتعبّد ليست وسائل لعلاج الاكتئاب ولكنها وسائل تؤدى إلى الطمأنينة النفسية والطمأنينة النفسية لا تعالج الاكتئاب.