تدبر اليوم ❤🦋في حاجة عايزة أفهمها ازاي ربنا قال " لا يكلف الله نفسا إلا وسعها " و أنا بحس بتعب و مجاهدة عشان أقوم بالطاعات ؟ - الوسع معناه الطاقة ، يعني أقصى حاجة ممكن يتحملها الإنسان ، ولو بصينا للأوامر و النواهي في شرعنا الحنيف هنلاقي إنها فعلا كلها أمور " يقدر " الإنسان إنه يتحملها و يقوم بيها بل و يزيد . و الدليل إن في ناس بتزيد على الفروض بكل سلاسة و حب ، و بدل ما يصلي ٥ فروض بيصلي ٢٠ و ٣٠ ركعة في اليوم . و رغم كده هنلاقي إن الله رحيم بالمؤمنين ، و هناك تشريعات و رخص خاصة بالمريض و المسافر و المضطر ، بل و رفع القلم عن الصغير و المجنون ، فالله لم يساوي بين كل البشر بحالاتهم في التشريعات ♥️.و لازم نحط في اعتبارنا إن أوقات " المشقة " و التعب اللي بتصيبنا في العبادات بيكون سببها ضعف الإيمان و الفتور و بالتالي ضعف الهمة مش لإن الطاعة في حد ذاتها شاقة . فتلاقي العباد أصحاب الهمم العالية بيأتوا بالفروض بكل حب و سلاسة و يزيدوا نوافل ما استطاعوا ، فالحل إنك تشتغل على إيمانك و تقويه و الطاعة هتسهل عليك . #فتوحات_من_سورةالبقرة (130) #تفسير_القرآن_بالعامية Amera alaa