ضحكة من الودن للودنصحيت علي رسالة من دكتورتي أيام الكلية دكتورة صباح فاروز الجميله كانت هي ودكتورة صديقه محمد شكرى الجميله مشرفين علي رسالة الماجستير بتاعتي وكان وقت جميل والله الحمد لله ربنا يجازيهم عني كل خير حقيقي الرساله اسعدتني اوى وكنت مبتسمه طول الوقت وانا بكتبلها وهي بترد عليا الحمد لله علي نعمة الناس الحلوه والمعلمين الطيبين فاكرين مين من المدرسين ودكاترة الكلية افتكروهم بكلمة صادقه من قلوبكم او دعاء طالع من قلوبكم يحسسهم إن تعبهم ماراحش ويسعدهم كل معلم يارب ربنا يجعلنا دايما ذكرى حلوة وطيبه في قلوب كل حد بنتعامل معاه يارب العالمين وربنا يجعلنا اثر طيب في الدنيا والاخره ويديم المعروف والود