من أهم الأمور اللي النبي صلى الله عليه وسلم كان يعلمها لأصحابه ، هو صرف العقول والقلوب للأولويات وأن تنشغل بالأهم ..- جاء رجل للنبي فقال :"متى الساعة؟!" وطبعًا ده سؤال عن شيء عظيم جدًا ممكن نسميه ببساطة هو أعظم حدث منتظر في تاريخ البشرية كلها ..لكن إجابة النبي - صلى الله عليه وسلم - كانت توجيه البوصلة للسائل للحاجة اللي لازم ينشغل بيها ..- فقال :"وماذا أعددت لها"؟نفس التساؤل ده سأله ناس كتير مع جائحة كورونا ، ومع أحداث فلسطين الحالية وغيرها من الأحداث جعلت الناس تسأل : يا ترى دي من علامات الساعة والأرض بتتهيأ لأمر عظيم ؟!انت عارف ان القيامة حق ، وانك ستحاسب وانك هتقف بين يدي الله عز وجل وأن المصير سيكون مصير نهائي إما إلى جنة أو إلى النار ..كل دي حقائق وعندك علم يقين بيها من خلال القرآن والسنة ..وعارف أن من مات قامت قيامته !- يبقى لازم يكون شغلي الشاغل ، يا ترى انا استعديت ازاي لليوم ده ؟! ده يوم مصيري فعلاً نهايته إما جنة أو نار ، ايه اللي قدمته في حياتك يخليك تنجو في اليوم ده وتكون ممن رضي الله عنهم ويدخلك الجنة ؟![ وماذا أعددت لها ؟! ] #رسايل #سؤال_وجواب
