اجمل حاجة سمعتها انهارده ان "البعد عن الدين "هو سبب كل الأمراض النفسيه مهما بلغنا من علم واقتبسنا من الغرب ثقافتهم من منظور علم النفس واستخدمنا طرق زى اليوجا وخلافه كل ده كان ليه بدائل فى الدين وان ربنا وضع لنا حلول من قبل مايظهر علم النفس والعلاج بالطاقة وخلافه اليوجا معناها التأمل مش شرط ممارسة اليوجا كرياضة لأن وضع اليوجا ده مأخوذ من نوع من انواع الصلاة عند البعض فممكن نعمل التأمل بطرق مختلفه غير وضع اليوجا نفسه حتى لو نيتنا ان هى رياضة وبغرض العلاج 👌كمان سماع الموسيقى اللى بتساعد ع الاسترخاء بديلها سماع القرآن له نفس التأثير ويمكن اكتر❤️ممارسة الإمتنان هى هى "ولئن شكرتم لأزيدنكم" بس احنا عجبتنا كلمة الإمتنان ووافقنا عليها بدل كلمة احمد ربنا واشكره على جميع النعم بكثرة الحمدوالذكرعلم الطاقة وقوانين الجذب وخلافه ،بردو ربنا قالنا نحسن الظن به وادعونى استجب لكم ،وغيره حاجات كتيرالتعلق بالأشخاص والأشياء بردو وفك التعلق لما تتعلق بالله فقط وتعرف ان تعلق قلبك بالله وكتابه هو المنجى الوحيد وان الدنيا إلى زوال كل حاجة فى حياتنا ربنا قالنا عليها وموجودة فى ديننا بس احنا اللى بعيد أوى 🥹عجبنى الكلام وربط الدين مع علم النفس بعيد عن الحاجات الشائكة اللى ممكن تتصدر لينا بدون مانحسالفكرة هنا بقى وجود الشخص اللى يقدر يحقق ويوصلك اللى انت محتاجه بعلمه ويربط الدين هنا بقى تقدر تقتنع 👌كل الأمر هى الطريقة والأسلوب دور دايما ع المعالج اللى يوصل قلبك لفكرة دى لانك لو اعتمدت ع مستحدثات العلم فقط بدون الدين هتفضل تايه وهتفضل محتاج للأشخاص اللى توجهك طول الوقت #رحلة_تغيير