الحامل اللي ضرسها واجعها ينفع تاخد مسكن؟؟ 👈الحقيقه ان بنج الاسنان اللي بيتاخد مرة واحدة ونخلص من سبب الالم آمن للحمل افضل مليون مرة من المسكنات اللي بتشتريها الست وهي حامل من الصيدلية عمال علي بطال بحجة انها خايفه من البنج علي الحمل ومش متحمله الم الضرس. 👈اغلب انواع المسكنات ماتنفعش اثناء فترة الحمل ومن اشهرها ( الكاتفلام والكيتوفان والباي الكوفان والفولتارين والكاتافاست..) كل ده ممنوع ف الحمل 👈المسكن الوحيد اللي بينفع تستخدمه الست الحامل هو الباراسيتامول اللي هو موجود في البنادول والبيرال والسيتال والنوفادول.👈شغل الاسنان وبالذات بعد الشهر التالت للحوامل مش مضر ولا حاجه للحمل... وممكن دايما تستشيري طبيب النسا لزيادة الاطمئنان قبل شغل الاسنان
لا توجد تعليقات حتى الآن!
كن أول من يعلق على هذا المنشور