متسألوش الناس بتتغير ليه .. زي ما فيه ناس معاملتها بتتغير من غير سبب بمنتهى الأنانية ، فيه ناس بتتغير بعد تعب ووجع كبير كتموه جواهم بسبب أفعال اللي قدامهم ، بعد ملل من الانتظار ومن العتاب اللي مفيش منه فايدة..زي ما فيه ناس بتتغير وبتكون ظالمة، فيه ناس بتتغير بعد ما بيتعرضوا لظلم كبير ، لمجرد إن ذنبهم إنهم كانوا بيحاولوا يعدوا ويفوتوا عشان الحياة تمشي ، عشان مكنوش بيقفوا على كل غلطة ويحاسبوا ويحاكموا اللي قدامهم ، عشان يكتشفوا بعد كده إن تضحياتهم اللي كانوا حتى مبيتكلموش عنها بقت حق مكتسب للي قدامهم خلاص ؟؟الألم بيغير صاحبه ، غصب عنه ، بس ظلم كبير أوي إنك كمان تلوم المظلوم ، لمجرد إنه "اتغير" بعد كل اللي شافه ؟؟