مُرعبه اوي فكرة "الذنوب الطايرة" دي !- ذنب سواق ماشي غلط ف شتمته.- ذنب دكتور رخم عليك فـ امتحان ف شتمته.- ذنب بتاع دليفري اتأخر وانت جعان ف شتمته.- ذنب اي واحد ع التلفزيون بيقول كلام مش ع مزاجك ف شتمته.- ذنب لاعيب كورة ضيع هجمة ف شتمته.- ذنب شوية عربيات ف زفه عامله إزعاج كلاكسات ف شتمتهم كلهم.- ذنب دكتور كتبلك علاج بيقلب بطنك ف شتمته.- ذنب اي واحد شوفته ف الشارع بيعمل تصرف معجبكش فشتمته..... إلخذنوب ذنوب ذنوبالمشكلة اننا مبنحسبلهاش اصلًا ؟ بننسى!!بننسى إن في ملكين ورانا بيكتبوا كل صغيرة وكبيرة ! "ما يَلفظ من قول إلا لديه رقيب عتيد" ده احنا بننسى نستغفر حتى!كأن صحيفة الواحد كلها هتبقي مليانه بشوية التخاطيف اللي مبتجيش ع البال دي.فكرة مُخيفة اوي لما تعرف ان الناس دي كلها هتيجي تاخد حقها مني ومنك يوم القيامة! "إذ تلقونه بألسنتكم وتقولون بأفواهكم ما ليس لكم به علم وتحسبونه هيناً وهو عند الله عظيم".