رغم مرارة الأيام و كركبة الحياة و اللغبطه اللى إحنا فيها و رغم إن الأوضاع مش أحسن حاجة إلا إن رمضان قادر يرتب كل ده .. دايمًا بييجي يهدّي البال و يريح النفسيّة و يخلِّي السعادة والخير فى كل مكان وبكثرة ملهاش آخر.. الحقيقة شهر رمضان بعيدًا عن إنه أحبّ الشهور والأيام لقلبي إلاّ إنه فعليًا كل حاجة فيه بتبقى أحلى من ما كانت.. الناس بتحلوّ والنفُوس بتصفى والشوارع بتتزين وكل حاجة عاديّة بتبقى غير عاديّة و كلها بهجة و جمال يرد الرُّوح والله.❤️