الكاتب "رالف واردو أمرسون" قال: (من النادر أن نقدّر ما نملك، نحن دائماً ما نركض وراء ما ينقصنا فنخسر مرتين).. أثناء تدويرك على البعيد المستحيل بيضيع من بين إيديك المتاح الممكن.. محدش بياخد كل حاجة، وفي الحياة أحياناً ممكن تقبل بـ نقص ما بشكل مؤقت عشان مكسب تاني أكبر، وأقيم.. "الرضا" مش بيتعارض مع "الطموح".. في نفس الوقت الطموح مش عيب بس وأنت مدرك لقيمة اللي عندك بالفعل.. أنا راضي وبشكر ربنا على حالي اللي أكيد أفضل من حال ناس كتير لكن برضه بسعى بكل طاقتي عشان أحسّن وضعي بدون ما أقهر نفسي لو الطموح اتأخر، أو اتعطل، أو ماجاش.. وده ليه؟.. عشان في النهاية كلنا بيحكمنا الوعد الرباني ﴿إِنَّا لا نُضِيعُ أَجْرَ مَنْ أَحْسَنَ عَمَلا﴾..ربنا يكرمنا بـ "بصيرة" تشوفّنا قيمة اللي عندنا بالفعل، و بـ "قوة" تخلينا نعمل مجهود صح في الوقت الصح، ويوصلنا لنتيجة صح.
