- اتعلم تداري على شمعتك .. سمعت مصطفى حسني بيقول حاجه مُهمة جدا بخصوص الموضوع ده: "لازم تتمرن على الصفة والمهارة دي، إن لو فيه حاجة انت مش عايز تقولها مهما اتسألت انت تقدر متقولهاش واللي هيزعل من كده شأنه مع نفسه.. إن انت فيه خطوات في حياتك حابب إنك تستعين على إنجاح حوائجك بالكتمان.. ده حديث النبي ﷺ.." حقيقي الواحد كان بيستغرب الناس اللي مبتحكيش عن حياتها أي حاجة خالص غير في أضيق الحدود، بس اكتشفت إن هما اللي صح والله، وإن الحياة الهادية اللي كل حاجه فيها بتتم بهدوء من غير شوشرة ولا دوشة قبل إتمامها هي الحاجات اللي غالبًا بتكمل للآخر، لأنك مهما كنت عارف اللي قدامك وحافظُه، فَانت عمرك ما هتشوف قلبه جواه ناحية فرحتك ايه، ياما ناس باركت لنا على النعمة ومن جواها كانت مستكتراها علينا.