‏‎كفاية عك 👌🏻👌🏻 كفاية ناس ملهاش لازمة في حياتك كفاية كل شوية حد يدخل حياتك ياخد من طاقتك و مجهود و يمشي كفاية عك في علاقات مالهاش أول من الآخر، من استنفاذ لطاقتنا في حاجات مُبهَمة، غلط ومستحيلة. كفاية صدقات متلصّمة، بندّعي فيها القرب، في أسرار مفضوحة وأعذار مش مقبولة وغياب مش مبرر. كفاية عشم زايد، وأحلام فارغة وإدّعاءات كدابة وطرق مش واضحة وتوقفنا للزمن عند لحظات حبناها زمان.. كفاية تعلّق واحتياج للغلط.. للناس الغلط وللحاجات الغلط! أنا عارفة إن مش منطقي إننا نقطع علاقتنا بكل البشر بس كمية حوارات وقفش وقمص وجِدالات خايبة مالهاش أي لازمة، وناس تتحشر في خصوصياتك، وناس تتهمك بدون وجه حق، وإنتَ بقى مُطالب تجادل مع دا وتبرر لدا وتشرح لدا وتصالح دا، وإحنا أساسًا فينا اللي مكفينا والطاقة اللي عندنا يادوب تمشيناكفاية طرق غلط، وصداقات غلط، وعلاقات غلط.. مُرهقة. كفاية عك✋🏻✋🏻.