✍️النرجسي انواع ؟!!🎯🔖مبدأيا خلينا عارفين أن كل النرجسيين بيشتركوا في الصفات اللي انا كتبتها البوست اللي فات بس فيه علامات كده بتفرق نرجسي عن التاني 👇🎯(النرجسي الخفي ) ده بقي مشكلته كلها انك مابتبقيش قادره تصدقي أنه سيء و بشع بالصوره دي ..اهم علاماته 👇💢بيقولك الكلام و عكسه يعني مثلا يوم يقولك انتي مليانه عيوب و يوم يقولك انتي مفيش منك و طبعا انتي مابتبقيش فاهمه هو كده بيحبك و مقتنع بيكي و لا لا 💢بيسألك انتي بتحبي ايه و بتكرهي ايه و بعد ما يعرف منك الحاجات دي يبدأ يقولك تصدقي أن احنا متشابهين جدا انا كمان بحب نفس الحاجات دي و بكره نفس الحاجات و طبعا انتي هتنبهري و تقولي انا محظوظه اني عرفته 😂😂💢هيخليكي تقتنعي أنه مصدر ثقه و تقدري تحكيله اي حاجه وحشه حتي انتي عملتيها زمان و ياسلام بقي لو حكيتي😂كل ٣ دقائق هيفكرك انتي قد ايه شخص سيء و انك تحمدي ربنا أنه لسه بيبص في وشك اصلا 💢كل ما تيجي تعاتبيه علي اي تصرف هيجبلك قديم و جديد و يقولك مش فاكره لما زمان عملتي كذا وكذا و طبعا ده عشان يخلع و ما يعترفش بغلطه 💢لو شتمك مثلا وواجهتيه هينكر طبعا يعني لو ماعندكيش شهود أنه شتمك أو اذاكي يبقي مستحيل تثبتي عليه أنه اهانك 💢بيتعامل مع الناس بره بكل ذوق و معاكي انتي بكل وقاحه 💢دايما بيبين أنه مظلوم و انك انتي سبب معاناته و مش بعيد يعيط كمان 💢هيشكك في كل معارفك و اصحابك عشان تبقي تحت سيطرته هو بس 🔖(النرجسي السيكوباتي)💢ده بقي بيحب جدا يضرب و يأذي و ممكن يقتل حد عادي جدا كأنه معملش حاجه و دول اللي بنسمع عنهم حاليا أنهم ضربوا مثلا الشغاله لحد ما ماتت أو قطعوا جثه حد💢بيكرهوا جدا اي طبقه غير طبقتهم و بيتعاملوا معاها بمنتهي الاستحقار 💢بيتلذذ جدا بتعذيب الآخرين 🔖لو شاف حادثه في طريق مستحيل يحاول ينقذ المصاب أو يطلب اسعاف أو ما شابه 🔖(النرجسي الدنجوان )🎯ده طبعا باين من اسمه أنه قد ايه متعدد العلاقات بحكم اهتمامه الزائد بنفسه و شكله و عربيته و و و 🎯ده بقي في اقل من اسبوع هيكون قالك أنه بيحبك و انك فتاه أحلامه😂🎯بيظهر و يختفي بدون اسباب واضحه و هيعملك حجج بقي أنه عمل حادثه او ساب شغله و ما شابه أو أنه سايبك براحتك لانه بيخاف يبقي تقيل علي حد و طبعا ده كدب هو بس بيبقي خلاص ضمنك فبيحاول يجيب حد تاني 🎯مراوغ جدا في الكلام مش هتعرفي تاخدي معاه حق و لا باطل 🎯بيعرف يتكلم كويس جدا و هيدلعك اوي في الاول لحد ما يضمن انك وقعتي بعدين يبدأ بقي يلاعبك براحته 🎯ماعندوش اي مسؤوليه تجاه اي حاجه و لا له وعود و لا بيلتزم بقرار 🎯كل واحده بيخليها معاه طول ما هي بتديله اللي هو عايزه سواء فلوس جنس حب اهتمام ...🎯لو بعدتي عنه غالبا مش هيحاول يرجعك و يتحايل لان عنده بدائل ليكي كتير 🎯ملحوظه :❗ممكن نرجسي واحد يبقي عنده كل الانواع دي في شخصيته🔖النرجسي بينجذب لاي واحده مش مقدره قيمه نفسها و اول ما بتثقي في نفسك هتعرفي تبعدي عنه و ده من أهم الدروس اللي لازم تتعلميها من علاقتك بيه✋تحياتي🌷