لو ركزت في اللي عدى من حياتك هتلاقي إننا فعلا فترات في حياة بعض وهتكتشف إن الجملة دي حقيقية جدا ومش حزينة ولا حاجه .. فيه حد هتقابله وتفضل معاه فترة يعلمك إن مش كل الناس تستاهل طيبتك وصدقك وحقيقتك ..فيه حد فترته هتديك درس يعلمك تفرق بين الناس وتعرف الكويس من الخبيث ومش أي حد تستأمنه على قلبك ..وفيه صاحب جدع فترته كانت حلوة بس الدنيا خدتكم من بعض ومعرفتوش ترجعوا زي الأول تاني ..وحد كانت معرفته خير وسابلك رسالة كويسة وبصمة جميلة بس دوره في حياتك انتهى لحد كده .. 🫰 لكن فيه ناس مينفعش تبقى فترة، مينفعش وجودها يتقاس بشهور أو سنين، فيه ناس ربنا بعتهالنا تكمل معانا الباقي من عمرنا بفتراته كلها. ♥️