رمضان فى الغربة إنك تنام شوية بعد العصر عشان ترتاح من الشغل قبل ما تقوم تحضر الفطار تلاقي نفسك صاحي بعد العشاء عشان مفيش حد صحاك رمضان فى الغربة إنك تدور على حد تفطر معاه يفكرك بس بلمة عيلتك في بلدك رمضان فى الغربة إنك تحضر طبق واحد تفطر بيه بعد ما كان ما بيعجبكش العجب وتفضل تتفرج على الطبق لغاية ما المدفع يضرب تلاقيك بتاكل لقمتين بس و تشبع و تقول الحمد لله رمضان فى الغربة لما تبقى شامم طبيخ الجيران ومفيش حواليك حد تقول له نفسي في الصنف ده أو ده رمضان فى الغربة لما تشتري الكنافة و القطايف و انت مروح و تفتكرهم تاني يومرمضان فى الغربة لما يا دوب تبدأ تفطر و تلاقي باقي كراسي السفرة فاضية فتبتسم و تقوم الغربة أقسى ما تكون في رمضانكل سنة وانتم طيبن وينعاد عليكم بصحة وعافيه ومجبروين الخاطر ♥️رمضان كريم
لا توجد تعليقات حتى الآن!
كن أول من يعلق على هذا المنشور