مانكرش فعلاً اني شخصية حساسة زيادة شوية ،بزعل و بتأثر بأبسط الكلام و أقل المواقف ..وعلشان كده دايما هتلاقيني بَقدّر الموضوع دا اوي مع اي شخص بتعامل معاه ، براعي احساسه و مابيهونش عليا ابداً زعل حد ، و جايز اجي كمان علي نفسي علشان خاطر غيري ..وكان المفروض و اللي اتربينا عليه كلنا ، ان الاحساس نعمة و يا بخت اللي عنده احساس ..لكن للأسف الايام دي ، انا اللي بعاني من دا حقيقي ، انا و كل بني ادم حساس زيي ..لأني بقيت شايف ان اللي قادر يعيش فيها بجد و ياخد حقه فعلاً ..الشخص اللي لاغي احساسه و مشاعره ، ومش فارق معاه حد في الدنيا غير نفسه و بس ..ماحدش بيدوسله علي طرف ولا يقدر ييجي عليه و الكل بيعمله الف حساب و حساب ..
