فيه نوعيه كده من الناس معندهمش دراع يتلوا منه .. ملهمش مالكة يعنى ملهمش ماسكة .. مالكتهم الوحيدة الإحترام و التقدير هتحترم وجودهم فى حياتك و تقدر اللى بيعملوه علشانك هيدوك عينيهم و يفوتولك كتير بمزاجهم و حط تحت مزاجهم دى ألف خط .هما بيبقوا عارفين و فاهمين إللى بيحصل من وراهم بس ساكتين علشان مش عاوزين يخسروك او يحرجوك .. و لو فاكر إنك عرفت تضحك عليهم .. وقت اللزوم هيواجهوك بكل موقف كنت فاكر إنهم عبط و مش فاهمين و هتتفاجئ إنك إنت إللى عبيط ..الناس دى بتفوت مرة و إتنين بس التالتة مش هتلاقيهم .. بيمشوا و ضميرهم مرتاح من غير سابق إنذار .. لأنهم عارفين إنهم عملوا إللى عليهم و زيادة .. بيمشوا و هما متأكدين إنك إنت الخسران مش هما ..طول ما هما بيعاتبوك إطمن انت لسه غالى عندهم .. متفرحش بسكوتهم .. ده معناه إنك أصبحت لا تمثل ليهم أى شئ باختصار اكتر " شفاف " ملكش وجودالشخص الطيب المتسامح مش أهبل ولا ساذج ده شخص باقي عليك فعشان كدة خدوا بالكم من الناس دي لإنها لما بتجيب أخرها بيكون صعب ومستحيل ترجع زي الأول