في وقت معين في علاقاتك او في حياتك بشكل عام بتحس في لحظة كده انك توهت ما بين فكرتين و تعبوك جداً " فكرة ماينفعش ماتحاولش و لازم تعافر و ازاي توقف وتنهي كل حاجة و تسلم بدري ، و فكرة كانت واضحة من البداية و مش لازم تشرب البحر كله يعني علشان تتأكد انه مالح " و تلاقي نفسك نتيجة كده اتكتفت في مكانك ، مش عارف تكمل ولا ترجع ، تستمر و تحاول و تعافر لحد ما تشوف اخرتها ايه و تبقي بكده عملت اللي عليك لأخر وقت ، علشان ماتندمش ومايترميش اللوم منك و من غيرك علي نفسك انك استسلمت و مكملتش ، و لا تقف حالاً و ترجع بسرعة عن كل اللي انت فيه و تلحق نفسك ، لأنك خايف تكون بتعافر في النهاية علي الفاضي و خصوصاً وانت لسه مش شايف نتيجة حقيقية قدامك ، و تبقي في نظر الكل انت اللي عاندت وعملت في نفسك كده وتدفع نتيجة و ضريبة اصرارك وانك صممت تكمل ...