الشُغل زمان كان عدد ساعات مُحددة وترجع لبيتك وصُحابك وأخر كُل شهر تلاقي عائد مادي ظريف يكفي معيشتك وتحوّش منه عشان تجيب شقة أو عربية.لكن حاليًا إحنا بنضَيَّع أجمل سنين عُمرنا في الشُغل، ساعات شُغل أكتر وعائد مادي ما بيكفيش حاجة، وحتى لو بركة ربنا سترتها معاك وعرفت تشيل قرشين على جنب عشان تشتري حاجة يبقى على ما تجمع تمن الحاجة دي هتلاقي سعرها زاد الضعف.وعلى فِكرة إحنا بنسعى وبنجري بس المعيشة حوالينا بتجري بسُرعة عربية فيراري وإحنا يادوب بنجري بعربية 128.