(لو توهت روح الجامع)كان في واحد بيقولزمان .. و انا صغير ابويا كان محفظنى جملة .... لو توهت روح الجامع عشان لما كنا بنخرج مثلا فى مكان زحمه و طبعا زمان مكنش لسه معانا موبايلات كان يقولى كدا ..... لو توهت روح الجامع و انا هلاقيك عند اقرب جامع مكان ما كُنا و بعد ما كبرت شويه و كان لسه بيقولى .. نفس الكلمه قولتله : خلاص يا بابا .. انا كبرت و مش هتوه فبلاش تقولى الكلمه دي تانى بنظره كلها طيبه و حنيه قالى :ده بالذات و انت كبير .. لو توهت .. روح الجامع اغلبنا تايه وكل واحد له دنيته التايه فيها ..ومفيش غير باب الله دائماً مفتوح ..فاللهم ردنا اليك رداً جميلاً يا الله 🤲🏻.