🧑‍🦱 الناقد الرياضي أحمد الخضري في تصريحات لبرنامج " BOX TO BOX" علي قناة ETC🎙️ كل اللي اتقال علي رمضان صبحي ده هيطلع " أونطة" في الأخر و لو رمضان كان ف الأهلي أو الزمالك مكنش هيحصل فيه اللي حصل لكن دمه بقي مباح خلاص.🎙️ الاهلي أو الزمالك ضهر لأي لعيب، ياراجل ده الشيبي هيبطل كورة و هو مضروب.🎙️ الموضوع بتاع رمضان صبحي بقاله شهور ولولا إثارته كان هيتكتم عليه شوية و هيستخبي الجواب.🎙️ فيه لاعيب في البنك الأهلي مش هنقول أسمه و كان بيلعب في المنتخب كان عنده نفس موضوع رمضان صبحي وتم التكتم علي العينة و اخد العقوبة 3 شهور في أخر الدوري.🎙️ مش هقدر أقول إن رمضان صبحي برئ بس الموضوع لسة فيه كلام. 🎙️التصريح اللي عمله الأستاذ جمال علام كارثي و مينفعش يقول الكلام ده ع الهوا ولو اللاعب بيلعب ف الأهلي و الزمالك مكنش هيطلع يقول كده.🎙️نص لاعيبة بتاخد حاجات وفيتامينات معينة منها الترامادول بالرغم من انه نزل جدول من يناير 2024.🎙️ لاعيبة الأهلي و الزمالك بيتعرضوا لكشف المنشطات دايما لكن باقي لاعيبة الفرق الاخري مقضياها سداح مداح.🎙️ فين عينات تحاليل المنشطات في الدوري الممتاز و الدرجات التانية و التالتة عندهم الترامادول ده شئ أساسي.🎙️فوجئت بموافقة الأهلي السريعة علي لعب مبارتي القمة في السعودية و في الزمالك الإدارة موافقة لكن الجماهير رافضة.🎙️مشكلة مجلس الزمالك إنهم دايما بيبصوا للسوشيال ميديا.🎙️انا شايف إن جول إمام عاشور في نهائي كأس مصر أوفسايد و لكن ليه الزمالك مجابش جول و اتعادل و الزمالك كان أفضل بكتييير و كان من الطبيعي إنه يكسب.🎙️ بالنسبة لجماهير الزمالك اللي رافضة لعب مبارتي القمة في السعودية هل انت ضامن انك لو لعبت في مصر هتكسب⁉️🎙️مش عاجبني مبالغة لاعبي الزمالك في الإحتفال بالفوز علي فيوتشر لإن المكسب عادي.