انا ابسط واحده ممكن تتعاملوا معاها .. لا قليلة الزوق ، ولا بحرج حد ، ولا منافقه ، واللي ف قلبي دايما على لساني ( من غير ما اجرح حد ) ، ولا بجحه الحمدلله ، وعمري ما اتاخرت عن حد ف حاجه ودايما اي حد محتاجني بيلاقيني ومش مستنيه مقابل .. كل اللي انا طلباه اتعامل مع ناس سويه نفسيا ، ناس بتتعامل مع اللي قدامها بما يرضي الله من غير غل وحقد ونفاق ، انا دايما بعامل الناس زي ما احب انهم يعاملوني ف اتمني الاقي اللي يتعامل معايا بنفس الطريقه ⁦مش مبالغه ولا نرجسيه، بس كل يوم بتأكد إن اللي يخسر قلبي صعب يلاقي زيه تاني، يمكن مبقدمش حاجات كتيره لكن اللي بقدمه مهما كان بسيط فأنا بقدمه بمنتهي الصدق والعفويه وبكل الحب اللي ف الدنيا بجد، يمكن اكون مش احسن شخصيه ف المواساه، لكن اكتر شخصيه ممكن تسمعك وتفضل جنبك وتزعل علي زعلك وتدعيلك لحد ما تبقي كويس،.. قلبي لا بيعرف يأذي ولا يكره ولا يحس بحاجه مزيفه أو تطلع منه مشاعر مش حقيقيه.. مهما رقته وصدقه سببولي تعب، هفضل ممتنه لربنا انه رزقني بالقلب ده 💚بتمنى ربنا يديني على قد نيّتي، لأن نيّتي عمرها ما كانت وحشة تجاه أي حاجه وأي حد، ولا عمري نويت الشر ولا اتمنيت غير الخير لكل الناس .. لا بعرف أخطط ولا أدبّر للأذية ولا أخفي جوايا نيّة مش كويسة .. ومبسوطة بكده جدًا مهما تعبت بسبب إن نيّتي طول الوقت صافية في زمن بقى صعب ومُرهِق فيه الموضوع ده.