فاكر السندوتش اللى كان بيتعمل ومامتك تفضل تنادى عليك وتقولك اطلع كل وانزل البحر تانى 🥺 انا عاوزه😂وتطلع تاكل وتشرب عصير وتنزل جرى 🙈طب فاكر طبق المكرونه الاسباجتى والكفته تطلع تتغدى وتنزل جرى زاى الاهبل كأن البحر هيخلص😂😜طب فاكر لما يفضل ابوك ينادى عليك تجمع اخواتك وقريبك عشان تتصوروا مع عمو اللي ماش علي البحر بالكاميرا وتطلع وشك احمر من الشمس وواقف مش طايق نفسك عشان مقموص أنهم طلعوك من البحر 😂 طب فاكر طعم كوباية الشاى وحلوتها مع سندوتش الجبنه بالانشون😋😋 وطعم بسكوت الشمعدان وحلوته وجيرسى والفريسكا وانت بوقك كله ملح البحر وتاكل بسكوت مسكر 😋🙈 وبيبسى زمان وحلوته☺️طب فاكر الكشاف الاحمر أو كاست اللى كنت بتشحنه وتشيله على قلبك وتسمع بيه شريط كاست حماده هلال وايهاب توفيق اللى لسه نازل ومكسر الدنياوتحس انك شبح البيلاج😂طب فاكر لما كنت تخرج من البحر ومعاك مفتاح الشقه عشان بس تجرى تدخل تستحمه اول واحد وتحس كده انك من العظماء انا عاوز يوم من ده🥺🥺 بس يرجع بكل تفاصيله وناسه اللي سابونا ومشيو ومش راجعين تاني✋😥😥
