مرة سمعت مقولة بتقول"أغلب الأمور التي نختلف عليها في العلاقات لها جذور يعاني منها طفلنا الداخلي"فعليا ناس كتير قوي من اللي بشوفهم ممكن يتخانقوا خناقة تحس مثلاً ان الزوج بيوجه الكلام فيها لحد تاني غير الزوجة 🧐🧐تحسه مثلا بيعاتب او بيتخانق مع مامته او باباه او تلاقي الزوجة بتتهم زوجها بحاجات هو معملهاش اصلاً وبيبقى مستغرب جداً لانها مش عارفه تعبر او بتقول كلام بالنسبه له مش مقنع خالص ساعتها ممكن يكون الطفل_الداخلي هو اللي بيصرخ ناس كتير قوي بتعاني في حياتها بسبب توقعات او احلام غير منطقية اتخلقت جواهم نتيجة معاناة شافوها وهم صغيرين وناس تانية بتعيش متوقعة الأسوأ زي المسلسل "أنا هعيش تعيسة وهكرر مأساة أمي" حتى لو الزوج مش بيقسوا عليها او بيتعبها زي ما ابوها كان تاعبها او تاعب مامتهاوهنا بيسميها علم النفس #نبوءة_ذاتية_التحقيق او self fulfilling prophecy طيب إيه مشكلتها بقى🫣🫣مشكلتها انها بتخلي الشخص يتعامل بطريقة معينة تخلي الحياة تمشي في اتجاه_سلبي ممكن يبقى حساس ناحية امور معينة تخليه يميل الى التشاؤمفي الكوتشنج مثلا بنحاول بأساليب اوأسئلة كتير نساعد الشخص انه يعرف هو هنا 1. مجروح من الطرف_التاني في الحاضر2. ولا الطرف التاني داس على جرح قديم جواه بقصد او بدون قصد 3. ولا الطرف التاني اصلاً مش هو المسئول خالص وفي جرح عميق جواه هو محتاج يتشفي منه شفاء_النفس (زي ما شرحت في فصل شفاء النفس في لغز_الزواج ) في المسلسل الزوج كان مدمن عمل وهي ترقيتها في الشغل اتعطلت شوية بسبب الطفل هو كان مشغول عنها وهي كانت بتقول ان في فجوة مامته في مشهد تاني قالتلها هو بيحبك بس مش بيعرف يعبر هو كمان عنده طفل داخلي متألم من فراق الأب ومعاناة الأم الأرملة وهو الأخ الكبير كل واحد فيهم شايف ان طفله الداخلي كان بيعاني بطريقة ما وفي الآخر معاناة كل واحد خبطت في التاني بمشاعر سلبية واحتياجات غير مسددةسواء عدم_الأمان أو الخوف من الترك او الأذى او الحاجة للتقبل والحب والتواصل كل دي أمور مشكلتها انه داخلية ممكن تمون مش ملموسة بس بتسمع في تصرفات وسلوكيات ومشاعر مبتخليناش نفهم بعض او نحترم مشاعر بعض او نعرف نعيش هاديين. #نانسى_ماهر