اختصاراً ...الستات : بتتزوج علشان تلاقي السكن ، والمودة ، والرحمة اللي سمعت عنها ولو ما لقيتهمش مش هتفكر تتجوز أساساً ، ولو اتجوزت وما لقيتهمش هتعيش تعيسة حتي لو معيشها في أفخم قصر ..!عندنا رجالة لما زوجاتهم بيشتكوا يقولولك ما هي بتاكل ، وبتشرب ، وعايشة حلو مش منقصها حاجة من وجهة نظره ! أعملها إيه تاني ؟!أنت لما بتأكلها ، وبتشربها ده حقها عليك حق إحتباسها كزوجة .. مش فضل منك تذلها بيه كل شوية ..! مراتك مش جاية جعانه من بيت أهلها أو جايه تعيش بلقمتها ؟! هي ممكن تسيب عشانك بلدها ، وشغلها ، ومستقبلها ، وبتتغرب وهي راضية عشان تبقي جنبك ، لإنها أختارتك م البداية الحبيب اللي هيتأهل لزوج طول حياتها ..! دورك بقي إنك تبقي كل ما ذكر يعني أهلها ، ومستقبلها ، وسندها لإنها لما سابت وتركت أهلها اتعشمت إنك هتكون كل دوووول ، وآمنت إنك كل حاجة ف حياتها .لو كل واحد عرف إزاي يحترم مراته وإزاي يقدر يحتويها ، ويحسسها بكيانها ما كنا وصلنا لما وصلنا إلية الآن من إنتهاك للحرمات اللي ربنا وصي عليها ..! الست ما بتطلبش الطلاق إلا بعد الإستحالة جواها إنها تكمل ، لما بتلاقي نفسها حقها في الراجل اللي إختارته دون عـن الناس ضايع ، ومصير مجهول . المرأة محتاجة حب - إهتمام - إحتواء - سند - مشاركة خد رأيها وأتكلم معاها ما تحاولش تقلل من شأنها لإنها الجزء المكمل والأهم لحياتك .الإنسان ما بيحسش بالنعمة إلا لما تضيع منه ويفقدها ! قيل فيها من يخسر حب امـــرأة مخلصه يخسر حياته بلا إستثناء ..!- لما سألوا "الشعراوي" رحمه الله بماذا نصحت أبنك حين تزوج ؟ قاله يا بني هذة المرأة تركت الأب والأم والأخ والأخت وجاءت لتكون لك وحدك فكن لها كل هؤلاء - فكن لها لا عليها ..