الشرع لما حط حدود بين الستات والرجاله في الكلام مكنش الهدف منه حفظ الفروج بس ، انما كان الهدف منه حفظ النفوس كمان. - لما تقعد في الشغل ٨ او ٩ ساعات مع زميلتك تخلص فيهم كل الكلام اللي في الدنيا فـ ترجع البيت صامت مش طايق حد يكلمك كلمه. - لما تتخيلي ان ايمن زميلك لو كان جوزك كان زرعلك الشقه ورد تبقي هبله تفتكري ما زرعش ليه لمراته..؟ هل لانهم زارعين برتقال او جزر ..؟!- لما شيماء تقولك لو كنت جوزي كنت عملتلك فطار ٥ مرات وهي اصلا جوزها معلقين له محلول جفاف من الجوع. - لما يقولك شايف حزن في عنيكي وعنين مراته وارمه من آخر علقه خدتها. - وهي بتحللك مشاكلك مع مراتك وتقولك ازاي الست لازم تحتوي جوزها وهي وجوزها كل خميس في محكمة الاسره. * يا جماعه دي فتنه وفتنه فـ ان كل طرف بيظهر للتاني احسن ما فيه فـ ينكد عليه ويغضب على رزقه وشريك حياته .. الانسان خلق ضعيفاً وطبيعي الشخص اللي بتقضي معاه يومك كله برا لو مَكنتش محافظ على نفسك وقلبك ممكن تقع .. ونقول تاني ( خيركم خيركم لأهله ) لأهل بيته اللي بيشوفوا منه كل جوانبه السيئه وصابرين عليه مش لزميلتك اللي بتقولك انت ازاي كدا. * فـ الاخر والله كل الستات واحد وكل الرجاله واحد اللى يفرق هو الدين والتقوى اذا كان الإنسان عنده دين بيتقى الله فى الاخر لكن اذا كان الإنسان لا يعرف الله فـ افعل ما شئت كما تدين تدان." تلك حدود الله فلا تقربوها "