انت عارف إن زيادة الاحساس ابتلاء مش ميزة؟ إنك تبقى بتحس بكل حاجة زيادة عن اللزوم، ممكن كلمة تطلّعك لسابع سما وكلمة تانية تنزلك لسابع أرض في ثانية، بتتعشم بزيادة، بتفرح من أعماقك وكمان بتحزن من أعماقك، بتخاف تكون تقيل على اللي بتحبهم وبتعمل حساب مشاعرهم جدا في حين ممكن متلاقيش ده منهم في المقابل، دماغك بتسوّحك تفكير في كل حاجه تستاهل أو متستاهلش دايما يقولوا الاحساس نعمة بس الحقيقة إن زيادته نقمة، وأوقات كتير البرود والتناحة واللامبالاة بيكسبوا.