الزواج .. هو اختيار صعب جدا يكاد يكون اصعب اختيار الانسان بيختاره في حياته .. تخيلوا معايا كده انكم بتختاروا كُل حياتكم الجايه من ثقافتكم وطموحكم وكُل تفاصيل حياتكم اللي هتشاركوها مع الانسان اللي هيبقي شريك حياتكم .. انتوا مش بس بتختاروا ام او اب لابنكم اوبنتكم لا انتوا بتختاروا عيله كامله هتشارك عيلتكم يعني عيلتين بيندمجوا مع بعض فتخيلوا انت بقي .. ده غير انكم هترسموا شكل وثقافة عيالكم وطريقة مدي تدين ومدي قرب وبعد عيالكم عن ربنا .. وبتختاروا المجمتع اللي عيالكم هيعيشوا فيه .. بتختاروا لعيالكم لبسهم وطريقه كلامهم .. من الاخر كده حياه كامله تستحق التفكير بدل المره الف مره ولازم تتأنوا اوي ف الاختيار قدر الامكان عشان الكوكب مبقااش مستحمل والله عهااات جديده 😂😂
معظم الناس فاكرة الزواج بيبقي فراشااات ودباديب ومخدات بتتقطع ورخامه المطبخ بقي والمحن اللي خدوووه من المسلسلات التركي والهندي .. ومجرد ما رجليهم تدخل القفص بيصيحووو من المسؤليه والشيله اللي طلعت كبيرة عليهم .. ونعاني احناا بقي من العاهاااات والعقد اللي بنشوفهاا بقي منهم 😂😂
