10 أسباب كفيلة إنها تخلي إبنك مشروع لمضطرب نفسيا وسلوكيا مستقبلا :1) سكوت الأهل على الألفاظ السوقية لإبنهم وكمان يضحكوا عليها. 2) ضرب الزوج لزوجته، وتبادل الإهانات بينهم وبين بعض. 3) ممارسة العلاقة الخاصة أمام الأطفال، أو الايحاءات الجنسية بدعوى إن الأطفال مش فاهمين حاجة. 4) الطفل اللي يعمل مصيبة والأب والأم يصلحوا وراه بالنيابة عنه، يكبر وهو شايف ان أخطاءه مسؤولية غيره. 5) التليفون اللي مش بيفارق إيدين الطفل، لغايه مايتحول لتوأم ملتصق لايمكن الاستغناء عنه. 6) الفلوس اللي بتتوفر للطفل بأي كمية وبإسراف، يكبر الطفل وهو شايف ان الحصول على المال سهل وبسيط. 7) التفرقة المقيتة بين الإخوة والأخوات، هاتطلع شخص عنده إحباط يكفي بلد بحالها. 8) الحط من شأن المرأة واستحقارها، وأكل حقوقها، و معاملتها معاملة العبيد أمام الأطفال، بتخلق لدى الطفل نرجسي صغير غالبًا هايطلع زي أبوه. 9) العصبية والصوت العالي والشك المبالغ فيه مع العناد.. أفعال كارثية لو خرجت من الام. 10) البخل والقسوة وسوء الخلق.