سؤال ⁉️ليه لما ربنا وصف حال الناس يوم القيامه استخدم لفظ الفراش في قوله تعالى ﴿ يَومَ يَكُونُ النَّاسُ كَالفَرَاشِ المَبْثُوثِ﴾ولكن عند الخروج من القبر والقدوم للعرض والحساب استخدم لفظ الجراد في قوله تعالى ﴿ خُشَّعًا أَبصَارُهُم يَخرُجُونَ مِنَ الْأَجدَاثِ كَأَنَّهُم جَرَادٌ مُّنتَشِرٌ﴾ يا ترى ايه الفرق بين الجراد والفراش فى الطيران ؟ما كله بيطير ؟ الحقيقة فيه فرق كبير .. اولا : الفراش بيطير بشكل عشوائي وفوضوي ، كلهم بيطيروا وبيخبطوا فى بعض ..وهذا ما يحدث تماما عند قيام الساعه كله بيخبط فى بعضه وبشكل عشوائي محدش فاهم حاجه وفى حاله من الذهول .. لذلك قال الله تعالي : ﴿ يَومَ يَكُونُ النَّاسُ كَالفَرَاشِ المَبْثُوثِ﴾ لكن الجراد بيطير بشكل منظم ومنتظم ..يطير في أسراب محددة وكل سرب ليه قائد ومفيش جراد بيخبط في التاني أبدا وفى عين كل جراده sensors يعني حساساتبترصد الجراد المقابل ليها وتتفاداه وكذلك عند البعث ، الناس كلها هتتجه لساحة المحشر بإنتظام بعد ما فهمت ان هذا هو يوم القيامه " وقالوا ياويلنا هذا يوم الدين " عشان كده ربنا عبّر عنها بقوله تعالي ﴿ خُشَّعًا أَبصَارُهُم يَخرُجُونَ مِنَ الْأَجدَاثِ كَأَنَّهُم جَرَادٌ مُّنتَشِرٌ﴾شايف الحلاوه ودقه التعبير !لما تفهم كلمات القرآن هتحبه اكتر وتتعلق به اكتر قال تعالي ( ولو كان من عند غير الله لوجدوا فيه اختلافًا كثيراً)