للأسف الشديد الناس المتربية علي القيم و المبادئ و الصح والغلط وإن لا يصح إلا الصحيح بتتصدم جدًا لما يقابلوا الحياة العملية لإنها بتكتشف إن البراءة و الطيبة و النية الصافية مش موجودة حاليًا وإن العالم الخارجي مش بيحترم أصلك النضيف بل العكس تمامًا بيشوفوك أهبل ضعيف .. مع تكرار الصدمات بتبتدي تسأل نفسك هما أهلك ربوك غلط وعلى مثالية غير موجودة وكان مفروض يفهموك حقيقة الدنيا .. فتبدأ رحلة التغيير و الواقعية و تنشف و تتعلم تواجه الحياة بردود أفعال مناسبة وفي كل شئ من أول التعبير عن مشاعرك لحد تلقائيتك و عفويتك .. صراع شديد من أجل الصمود في زمن المنافقين و المطبلاتية و صحاب الألف وش .. صراع صمود مهما كانت التكلفة وعزاءك الوحيد إن ربنا عادل رحيم بيك و إننا في دار فناء و اختبار ..