النهارده لقيت دبوس ع الارض نزلت وشيلته ومخدتش بالي إني حطيته ف جيبي . بعد شويه نسيت وحطيت إيدي ف جيبي الدبوس جرحني وقتها بس إفتكرت إن نيتي كانت خير وأنا إللي أتأذيت ف الآخر إفتكرت من ورا الموضوع دا كل المواقف إللي أتأذيت فيها عشان أمنع الأذيه عن غيري واحمي ناس ، والتعب إللي تعبته عشان ناس تانيه وكل المواقف الوحشه إللي أنا اتحطيت فيها بسبب ناس ولا ع بالهم ولا فارقه معاهم أصلا هنا سألت نفسي هو أنا بقي مش هبطل ألم دبابيس من ع الارض؟بس المشكله إني لحد دلوقتي كل ما ألاقي دبوس ع الأرض أرجع أشيله تاني حتي لو عارف إنه هيجرحني بعدين أنا راضي إني أبقي الشخص إللي بيلم الدبابيس أحسن مليون مره من الشخص إللي بيرميهم✋
