كلمة "أنا آسف"، أو "حقك عليا"، أو "ماتزعلش مني" اللي بيتقالوا في ثانيتين دول لما بييجوا في عز لحظة الزعل بيبقوا أبرك مليون مرة من ساعات إعتذار متواصل حتى لو استمرت لـ سنين!.. تطييب الخاطر في وقتها بيطفي نار الغضب مهما كانت حدتها، وبيقرب المسافات مهما بعدت.. مع القريبين الغاليين فيه حاجة اسمها "حُرمة الزعل"، وأول قوانينها مينفعش فلان يبات زعلان، أو قلبه شايل، أو دمعته على خده وتكون أنت السبب.. ده لو إيه؟.. لو هو قريب وغالي، ولو أنت بتعزه وشاري.