مجازفتك بالدخول في علاقة عقلك مش راضي عنها، وأنت عارف من جواك إنها مستحيل تكمل، ومتنفعش، وبتسكّن عقلك إنك المرة دي هتمشيها من غير حسابات، ويمكن تظبط، وبالرغم من استمتاعك في البداية، وأنت بتعمل اللي متعودتش تعمله قبل كده، متعودتش تقول لعقلك لأ، وتركنه على جنب، إلا إن كل ده بيعود عليك في الآخر بانكسار جديد أعظم من كل ما سبقه.. لأنها مبتظبطش، والمعجزات في الحياة نادرة جدًا، تكاد تكون مستحيلة.. مش هتكسب غير مُتعة مؤقتة، ولذة المغامرة، اللي هتختفي مع الوقت ومش هيتفضل غير الألم، والحسرة على سعادة أنت عارف من جواك كويس إنها مش بتاعتك، التفاحة المُحرَّمة اللي دوقتها بس عمرك ما هتقدر تمتلكها.. واللي بياكل من الشجرة، مبيرجعش زي ما كان أبدًا.