عندي قناعة ان الحرية هي الاساس في العلاقات المقربة (صداقة ، اخوة ،زواج .... )حرية في ابداء الرأي ، في اللبس ، في المشاعر، حرية في طريقة الكلام، حرية في اختيار الخروجة ونوع الحوار ، حرية اني مكتفش نفسي في قالب معين عشان ماضيقوش او اعجبه ، حرية اني ماخافش احكي موضوع معين لاقل في نظرها او تفهمني غلط او تعايرني بيه بعد كدة . حرية اني اكل الي نفسي فيه ماتكسفش من زوقي ، البس اللي يريحني مش الي يرهق تفكيري و ميزانيتي عشان تقول كلاس وبنت ناس .. حرة اقول السر الي ارتاح اقوله واخبي الي ارتاح اخبيه ...حرة يعني مش مضطرة اقدم مبررات اني ماقبلتش او ماردتش في وقت مش مناسبني واقول حاجة مش عايزة اقولها..الحرية كلمة بسيطة لكن معانيها كتييير اوي والمسؤولية المرتبطة بيها اكبر من اي مسؤولية .. حرية مع ادراك كامل للمسؤولية راحة فعلية ...حتى في علاقاتنا مع ربنا وهي اسمى واقرب العلاقات ادانا حرية اختيار الدين وعرفنا نتيجة كل اختيار ،موقفش على كل مسلم حارس شخصي لاداء العبادات .. #كامل_الحرية_في_صحيح_العبودية #الحرية_لمن_يؤدي_المسؤولية💓