كل ما حجم المشروع بينمو بيحصل ٥ حاجات١- عدد موظفينه بيزيدوا.٢- حجم المصروفات الثابتة بيزيد.٣- دورة التشغيل بتكون إدارتها أصعب.٤- حجم المخاطرة بيكون أكبر.٥- السيطرة على غضب العملاء بيكون أصعب.طاب لما عدد الموظفين بيكبر بيحصل ايه ؟ بيحصل حاجتينلو ركزنا على تدريب الفريق بشكل مستمر لرفع كفاءته الإنتاجية بتزيدولو أهملنا التدريب الأداء العام هيكون سيئ وهتفضل طول الوقت تشتكي من الموظفين وشايف المشكلة فيهم رغم إنك كشركة قصرت في أهم عامل من عوامل نجاح الشركات ألا وهو التدريبطاب ولما المصروفات الثابتة بتزيد بيحصل ايه؟مينفعش حجم المبيعات يفضل ثابت ولازم يكون إجمالي الربح بيغطي المصروفات الثابتة والمتغيرة وبيفيض ربح لا يقل عن الربح اللي كنا بنحققه قبل ما نتوسع إلا لو كان عندنا خطة مدروسة وعارفين هنوصل لنقطة التعادل امتى في التوسع الجديد.يعني من الحاجات الغريبة اللي شوفتها في الاستشارات عميل كان ناجح جداً اونلاين وشاف إنه حان الوقت إنه يفتح محل 🤐طاب فين المشكلة؟المشكلة إن العميل الاونلاين من مناطق بعيدة ومتفرقة والمحل صعب يخدم عليهم كلهم!فاللي حصل إنه أثر سلباً ع الأداء في الاونلاين والمحل مغطاش تكاليفه وبقى بيخسر 😥طاب ليه ما احنا كنا حلوينانت نجحت اونلاين طور بقى في نفس الاتجاه وتوسع في نفس الاتجاه مش لازم أبداً تفتح محل !!طاب ودورة التشغيل بتكون أصعب ازاي؟تعالى أقولك ازاي🤔أصحابي لما بيزوروني في أكلة معينة بيتي بياكلوها عندي وشايفينها تحفة وكل مرة يقولولي افتح مشروع اعمل فيه الأكلة دي وأنا أقولهم إن الموضوع مش بالسهولة دي ومش شرط عشان انت بتاكلها بالطعم ده والجودة دي بالعدد ده إن ده معناه إني لما أفتح محل ويكون حجم الإنتاج المطلوب أكبر إني هنجح في ده وزي ما احنا عارفين مش معنى إن انت بتاع كفتة جامد تروح تفتح محل كفتة 🙈طاب وحجم المخاطرة بيكبر ليه؟ لأن هيظهر لك نوع تاني من المنافسين مكنش حطك في دماغه لما كنت صغير.انت كنت الأول بتنافس حمو اللي فاتح جمبك في الشارع بتاعك.لكن لما تظهر كده وتكبر هتلاقي في أسود مش بيسمحوا لحد يكبر جمبهم بسهولة.مرة واحد من أسود التجار في مجال ماااا مش هقول هو مجال ايهقابله موزع صغير في الكعبة وهو بيعمل عمرةفبيقوله انت ليه بتحرق الأسعار وتبوظ السوق؟قاله يعني انت عايزني أسيب عيل معاه مبلغ كذا وداخل السوق ويعمل راسه براسيطاب وحكاية السيطرة على غضب العملاء؟بص يا سيدي أشهر مثال ع الحكاية دي محلات بلبن المنتشرة ما شاء الله في كل مكان واللي بقت على لسان ناس كتير جداً مشاهير ومغامير 🤕(مغامير مش جمع مغمور عارف) 🤔رغم إنه عنده مشكلة في التشغيل بسبب الزحمة واللي أدت لغضب البعض إلا إنه لا زال شغال وبيكسب ومستمر رغم الهجوم القوي عليه.لكن هل المكسب المادي كان كفاية إنه يحميه من الناس الغضبانة وإنه يسيطر عليهم ويرضيهم؟(طبعا لأ)فانت كل ما حجمك يكبر كل مشاكلك حجمها ما هيكبر ومش هتقدر تعمل سيطرة بشكل قوي على كل الغضبانين.حتى لو بلبن حل مشكلة الزحمة هيفضل طول الوقت في ناس مقموصة منه ومش هيشتروا منه حتى لو ببلاش.وبس كده