ولاد الأصول مينفعش تتلخبط فيهم كل تفاصيلهم بتحكي عن رقيهم .. عن إحترامهم .. عن عزتهم .. عن جدعنتهم و نزاهتهم .. عن شبعهم وشياكتهم ..عن تحملهم للمسؤوليه .. عن إحترامهم للكلمه .. عن رزانتهم و عقلهم .. عن إتزانهم و قوتهم ..عن صبرهم و عطاءهم ..عن صدقهم و وضوحهم إللي باين في عينيهم .. في نبرة صوتهم و في كل خطواتهم ..كتير عندهم أخلاق .. لكن دول مهتمين بتفاصيل الأخلاق ناس بتجبرك تحترمهم و تعاملهم معامله خاصه .. ناس بتجبرك تنتقي مواضيعك و حكاويك وكلماتك معاهم .. ناس بتجبرك تطلع أحلى ما فيك ..ناس عندهم القدره يترفعوا عن إللي ملوش لازمه ..عندهم القدره ينسحبوا بهدوء لو مع ناس مش مناسبه ..الناس دي بتعرف تشتري نفسها صح ..ناس متكلفه .. إشتغلت على نفسها أوي الناس دي معندهاش وقت ولا طاقه تضيعها على أمور مش هتضيف أو هتنتقص من سلامها النفسي ..مش هتعرف تجاريهم لو مش نفس طريقهم .. هم قطعوا كتير من الطريق ده .. فمش هيقفوا في مكان يرجعهم وراء .. يا تكمل في نفس طريقهم يا تسيبهم وتمشي