كنت أعرف شخص قريب مني جدًا ولكنه كان بيأذيني نفسيًا بكل الطرق اللي ممكن اي حد يتخيلها، من طبعي بستخير ربنا دايمًا ف استخرت ف الشخص دا ٣ مرات هل افضل باقي ولا امشي؟،ف الحقيقه ف ال٣ مرات كانت نتيجة الاستخاره اني بحن وبقرب للشخص دا اكتر وبنتصافي لوقت ما، بعد١٠ سنوات و شهور من المعاناه انا ك اي انسان طبيعي اكتفيت آذي نفسي وخدت بعضي ومشيت، ولكن كنت بسأل نفسي ليه يارب لما استخترك خلتني افضل لما ف الاخر هيحصل دا؟..اقولكوا حاجه!..اقسم بالله انا عمري ما كنت هبقي مرتاح ف البعد عن الشخص دا لو مكنتش شوفت كل الاذي دا، لولا اني تعبت التعب دا كله مكنتش هعرف امشي نهائي ولا اتقفل كدا.."ابتلاك حتي لا تظل تعتقد انه حرمك شيئًا جميلاً"..
لا توجد تعليقات حتى الآن!
كن أول من يعلق على هذا المنشور